3 Mars 2025

Komisioni i Organizimit dhe Kontrollit të Operacioneve Elektorale (KOKOE) pranë Partisë Demokratike ka shpallur rezultatet e primareve për zgjedhjet parlamentare të 11 majit 2025 në qarkun e Tiranës.

Sipas të dhënave zyrtare, në këtë proces morën pjesë 13.052 anëtarë të PD nga Tirana, ndërsa në rang kombëtar votuan gjithsej 50,854 anëtarë.

Sipas PD, procesi u shënua nga një pjesëmarrje masive, duke treguar interes të lartë dhe besim te qytetarët për të zgjedhur përfaqësuesit e saj në zgjedhjet e ardhshme.

Kandidatët më të votuar:

Hysen Kadiu – 913 vota

Klevis Balliu – 737 vota

Grigels Muçollari – 666 vota

Jorida Tabaku – 651 vota

Ilir Alimehmeti – 603 vota

Arjan Hoxha – 521 vota

Evin Minarolli – 508 vota

Myslim Murrizi – 403 vota

Arsen Valiasi – 439 vota

Andi Musafaj – 414 vota

Mimoza Hajdarmataj – 400 vota

Dhurata Çupi – 354 vota

Arnold Kariqi – 350 vota

PD sqaron se rezultati i mësipërm përfshin votat e numëruara në 19 Qendra Votimi, nga 21, kjo pasi kutitë e QV-ve Paskuqan dhe Vorë janë konsideruar të parregullta me vendim të KOKOE dhe për rrjedhojë nuk bëhen pjesë e rezultatit përfundimtar.

Kuota minimale e llogaritur, sipas formulës “Imperiali”, për Qarkun Tiranë: 144 vota.